دەربارە

هەمی تشتان بزانە لسەر ڕێنمایی و مەرجێن وەرگرتنا قوتابییان

وەرگرتنا قوتابیان د پەیمانگەها تەکنیکی یا تایبەت "ئارارات"دا، .
ل گۆری مەرج و رینمایێن وەزارەتا خواندنا بلند و ڤەکولینێن زانستی دبیت


  • پشتی دەرچوونا قوتابیان ژ پۆلا دوازدێ ئامادەیی، پێدڤیە د زانکۆلاینێدا خۆ تۆمار بکەن؛ پاشی ل گۆری وێ پلان و نمرەیا کو وەزارەتێ دانایە، د زانکۆ و پەیمانگەهێن حکوومی دا دهێنە وەرگرتن. پشتی ڤەگەریانا ناڤان، د رۆژەکا دیارکری دا، وەزارەت ناڤ نڤیسینێ د پەیمانگەهێن تایبەت دا راگەهینیت، کو قوتابی پێدڤیە د ماوەیەکێ دیارکری دا، ناڤی خۆ ب گۆهدانە ل کومەکا مەرجان تۆمار بکەت، کو ئەڤ مەرجەنە
    مەرجێ ئیکی: قوتابی دڤێت دەرچوویێ ئامادەیی یا زانستی، ویژەیی، یان پیشەیی بیت، کو سەر ب وەزارەتا پەروەردەیا حکوومەتا هەرێما کوردستانێ یان حکوومەتا عیراقا فیدڕال بن. باوەرنامەیا وی دڤێت ژ لایێ ڕێڤەبەریا گشتی یا پەروەردەیا پاریزگەهێڤە هاتبیتە پەسەندکرن.
    مەرجێ دووێ: دەرچوویێن دەرڤەی وەڵاتی دشێن بهێنە وەرگرتن، ب مەرجەکی کو ڕێڤەبەریا گشتی یا ئەزموونان سەر ب وەزارەتا پەروەردێڤە، یەکسانکرنا بڕوانامەیا وان بۆ کربیت.
    مەرجێ سیێ: ل گۆری وان مەرجان یێن تایبەت بۆ هەر خواندنەکا دیارکری، پێدڤیە ژ پشکنینا پزیشکی دەرچۆبیت.

  • ژبلی مەرجێن وەزارەتێ، هندەک رێنمایی و مەرجێن ناڤخۆیی هەنە بۆ وەرگرتنێ، کو پەیوەندیدارن ب پەیمانگەهانڤە؛ ئەڤ مەرجەژی


ئێک: دەرچوویێن سالێن پێشتر یێن ئامادەیی، مافێ پێشکێشکرن و وەرگرتنێ هەیە.
دوو: ئەگەر قوتابیێ بەشێ زانستی د هەلبژارتنا ئێکی یا خۆدا نە هێتە وەرگرتن، ل گۆری زنجیرا هەلبژارتنا خۆ راستەوخۆ دهێتە گوهاستن بۆ هەلبژاتنا ل دووڤدا. هەروەسا بۆ وەرگرتنێ د هەر بەشەکی دووڤدا، پێدڤیە تێکڕایا نمرەیا وی وەکی نمرەیا دیارکری ژ لایێ ناڤەندا وەرگرتنا قوتابیان بیت.
سێ: مەرج نینە هەمی قوتابیێن کو فۆرم پێشکێش کرین، بهێنە وەرگرتن.
چوار: پشتی راگەهاندنا وەرگرتنێ، قوتابی دڤێت باوەرنامەیا ئامادەیی یا کو ژ لایێ رێڤەبەریا پەروەردێڤە هاتیە پەسەندکرن، پێشکێش ب پەیمانگەهی بکەت.

سیستەمێ خاندنا پەیمانگەهێ

سیسته‌مى خوێندن له‌ پەیمانگەكه‌مان، به‌ پێى سیسته‌مى ساڵانه‌یه‌. له‌ ماوه‌ى ساڵێكى خوێندندا، قوتابى له‌ دوو وه‌رزى جیا جیادا تاقیكردنه‌وه‌ ده‌كات و له‌ كۆتایى ساڵیشدا، تاقیكردنه‌وه‌ى كۆتایى له‌ كۆى بابه‌ته‌كه‌ ئه‌نجام ده‌دا. سه‌باره‌ت به‌و وانانه‌ش كه‌ ده‌گوترێنه‌وه‌، له‌ لایه‌ن لیژنه‌یه‌كى پسپۆڕى وه‌زاره‌تى خوێندنى باڵاوه‌ دانراون. دواى ئه‌وه‌ى كه‌ مامۆستاى تایبه‌ت و پسپۆڕ بۆ وانه‌كان دابینكران، له‌ كۆرسبووكێكى تایبه‌تدا مادده‌كانى وانه‌كه‌ و كاتى وانه‌و تاقیكردنه‌وه‌كانى، هه‌موو تێدا ده‌نووسرێن. هه‌ر مامۆستایه‌ك به‌ رێژه‌یه‌كى دیاریكراو، بۆى هه‌یه ساڵانه‌ گۆڕانكارى له‌ بابه‌ته‌كاندا بكات. پێویسته‌ ئه‌وه‌ش بڵێین، له‌ به‌ر ئه‌وه‌ى پەیمانگەكه‌مان سه‌ر به‌ وه‌زاره‌تى خوێندنى باڵایه‌، بۆیه‌ هه‌ر گۆڕانكارییه‌ك له‌ لایه‌ن وه‌زاره‌ته‌وه‌ بێته‌ ئاراوه‌ و ئاڕاسته‌ى دامه‌زراوه‌كانى بكرێت، پێویسته‌ ره‌چاو بكرێت