پشكا ژمێريارى ئێك ژ پشكێن زانستييه‌ ل په‌يمانگه‌ها ته‌كنيكى ئارارات كو خواسته‌كا باش ل سه‌ر هه‌يه‌، ئه‌ڤ پشكه‌ زانستێن پيشه‌يى دبوارێ ژمێريارى دا ب باشترين كواڵيتى پێشكێش دكه‌ت و ب شێوه‌يه‌كى چاڵاك پشكداريێ دبازارێ كارى دا دكه‌ت ب كادرێن بسپور وخودان شييان ل سه‌ر جێبه‌جێكرنا كارێ ژمێريارى و پێشكه‌فتنا وێ . پشتى قوتابى ل قوناغا ئاماده‌يى ده‌ردچن قوتابیێت هەردوو بەشێن ( زانستى و بازرگانی ) مافێ خواندنێ ل ڤێ پشكێ هه‌يه ‌، و دێ بنە خودان باوه‌رناما دبلوما ته‌كنيكى د بوارێ ژمێرياريێ دا و كه‌سێن ئاماده‌ بۆ برێڤه‌برنا كارى دبازاریدا، دەرفەتێن کاری ل ڤان جها پەیدا دکەت.. • کارکرن د هەمى دامەزراوێن حکومی و نا حكومى دا. • کارکرن د بوارێن کەرتێ تایبەت دا وه‌ك کۆمپانیێن بازرگانى و خزمه‌تگوزارى.، مۆڵ، سوپەرمارکێت..... هتد. • کارکرن ل جهێن گەشت و گوزاری وەک: هۆتێل، مۆتێل، سەیرانگەهـ و پروژێن خزمه‌تگوزارى.

پشكا سيسته‌مێن كومپيوته‌رێ: زاراڤەکە بو سازکرنا درست یا کومپیوتەری بشێوەی هاردوێر (مادەیێن فیزیکی) و سوفت وێر (بەرنامە) کو بهەڤرا کاردکن بو بو پێکئینان و کاراکرنا کومپیوتەری. بەشێ کومپیوتەری بەشەکێ گرنگە دناڤ پەیمانگەها ئارارات یا تایبەت دا هەر دگه‌ل دامه‌زراندنا په‌يمانگه‌ها ئارارات ده‌ست ب كارێ خو يێ زانستى كرييه‌،ژبەر ڤێ چەندێ پشکا سیستەمێن کومپیوتەری بەرپرسە ژ ئامادەکرنا ستافەکێ بو تایبەت و ژێهاتی ب دوو سالێن خواندنێ ل پەیمانگەها ئارارات دێ شێی باوەرناما دبلومێ ب دەستڤە ئینی و هەروەسا چەندین دەرفەتێن کاری ژی: کادرەکێ زیرەک د بوارێ به‌ستن و چاككرنا كۆمپیۆته‌ران دا. دانانا پرۆگرامێن كۆمپیۆته‌را و تۆڕێن زانیارێن ئه‌نته‌رنێتێ. خزمه‌ت كرن د ‌بازاڕێ پیشه‌سازی ل‌ دام و دەزگەهێن جیاواز و كه‌رتێ حكومی و تایبه‌ت. دشێن کاربکەن ل ستودیو، رۆژنامە و تلەفزیونان.

پشکا شیکاریا نەخۆشیان، پشکەکا گرنگ و پێدڤیە بۆ ژیانێیە، ل پەیمانگەها ئارارات شیکارێن نەخۆشیان دێ ب پرچەککری بۆ جڤاکی بەرهەم ئینین، ب دوو سالێن خواندنێ دێ هەمی نەخۆشیێن وەلاتیان هەین بنە ناڤەرۆکا کارێن قوتابیێن ڤێ پشکێ، هەر بنگەهەکێ تەندروستی پێدڤی ب دەرچوویێن ڤێ پشکێیە، ب دوو سالێن خواندنێ و ب دەستڤە ئینانا دبلومێ ل ڤێ پشکێ دێ پاشەرۆکا گەشتر هێتە هەبوونێ بۆتە. ستافەکێ ئەکادیمی و ژێهاتی، خودان ئەزموون و شارەزا د بیاڤێ شیکاریێ دا سەرپەرکێشیا دوو سالێن خواندنێ یێن ڤێ پشکێ دکەن ب رەنگەکێ کو پشتی دەرچوونا ڤان قوتابیان دەرفەتێن کاری دێ ل ڤان جهان هەبن: کارکرن ل تاقیگەهێن حکومی و تایبەت . ‌ كومه‌لگه‌هێن پزيشكى و بنگه‌هێن ته‌ندروستى. نه‌خوشخانێن حكومى و تايبه‌ت. بەنکێن خوينی. کلینیکان. رێکخراوان.

ئابۆرێ وەڵاتان گرێدای بازرگانیەکا بهێزە، پشکا کارگێری بازارگەری ئێک ژ پشکێن دیار یێن پەیمانگەها ئارارات کو تاکەکێ بازرگان و کارگێر بەرهەم دئینیت، بۆ بازرگانیا سەردەم مە پێدڤی ب هزرێن نوی و داهێنانێ یە د ڤی بیاڤی دا، فێربوونا رێسا و بنەمایێن بازارکرنێ، شەهرەزابوون د بازرگانیێ دا و دیارکرنا کێشە و گرفتێن بازرگانیێ و چەوانیا بازارکرنەکا سەرکەفتی دێ ئارمانجێن تەبن بۆ پاشەرۆژێ، ب دوو سالێن خواندنێ ل پەیمانگەها ئارارات و بدەستڤە ئینانا دبلومێ دێ ئەڤ دەرفەتە ئەنجام بن بۆتە: • کارکرن د هەمى دامەزراوێن میری وتایبەت دا. • کارکرن د بوارێن کەرتێ تایبەت، وەک: كۆمپانى، مۆڵ، سوپەرمارکێت و... هتد. • کارکرن ل سايت و لاپه‌رێن ئه‌لكترونى يێن بازرگانى . • بازرگانيكرن ب ريا سوشيال ميديايێ. • كاركرن ل كارگه‌ها وه‌ك رێڤه‌به‌رێن بازارگەری. • تاكه‌ به‌شه‌ كو قوتابى بشێت كارى بو خو ب دامه‌زرينيت و ب ريڤه‌ببيت • کارکرن ل دەروازێن سنوری ب تایبەت ل بەشێ بازرگانییا نیڤدەولەتی دا. • کارکرن ل بازارێن دارایی و دراڤی دا.

پشکا زمانێ ئینگلیزی ل پەیمانگەها تەکنیکی یا ئارارات، دەرچوویێن پولا (١٢) ب شێوەیێ وەرگرتنا راستەوخۆ وەردگریت. قوتابی بۆ ماوێ دوو سالان لێ دخوینن و بڕوانامەیا دبلۆم د زمانێ ئینگلیزی دا بدەستڤە دئینن. دەرچوویێن ڤێ پشکێ، دشێن د دامودەزگەهێن حکومی و کەرتێ تایبەت دا کار بکەن؛ یان ژی دشێن ل دویڤ رێنمایێن وەزارەتا خواندنا بلند و ڤەکۆلینێن زانستی، ب مەرەما بدەستڤەئینانا بڕوانامەیا بەکالۆریۆسێ د بەشێن زمانێ ئینگلیزی و وەرگێڕانێ دا، ل زانکۆیێن تایبەت یێن هەرێما کوردستانێ، درێژی ب خواندنێ بدەن. ژبەر گرنگیا زمانێ ئینگلیزی د سەردەمێ نوکە دا، کو زمانێ زانست و تەکنەلۆژیایێ یە و ب شێوەیەکێ گشتی بوویە زمانێ پەیوەندیێن دیپلۆماسی و ئابووری و مەرجەکێ سەرەکی یە د بدەستڤەئینانا دەرفەتێن کاری دا د کۆمپانی و ناڤەندێن بازرگانی دا، دەرفەتێن کارکرنێ: دەرچوویێن ڤێ پشکی پشتی وەرگرتنا بڕوانامێ، دشێن د ڤان واران دا کار بکەن: ١. مامۆستایێ زمانێ ئینگلیزی ل قوتابخانێن حکومی و تایبەت ٢. وەرگێڕان د نڤیسینگەهێن وەرگێڕانێ دا یان بوون ب وەرگێڕ ل دام و دەزگەهان ٣. پەیامنێرێ میدیایی و رۆژنامەڤان ٤. رێبەرێ گەشتیاری ٥. ئوتێل و رێستۆرانت و ب گشتی ئەو جهێن کو گەشتیار و کەسێن بیانی سەرەدانا وان دکەن.

پشکا پەرستاری ئێک ژ پشکێن هەرە سەرەکیە ل پەیمانگەها ئارارات ژبەرکۆ کومەلگەهـ و بازار هەردوو پێدڤی پەرستارەکێ خودان شیانن، ب دوو سالێن خواندنێ ل ڤێ پشکێ دێ پەرستاری بیتە پیشەیا تە و چارەسەریا نەخۆشیێن خەلکی دێ بیتە خەما تە. دابینکرنا خزمەتێن باشتر بۆ جڤاکی ژ ئارمانجێن ڤێ پشکێیە. ستاف ژ دکتۆر و پەرستارێن خودان شیان پێکدهێت، مەنهەج ب سەردەمیانە و دگەل ڕۆژەکێ د گونجیت، دەرفەتێن کاری دێ خەلاتێ دەرچوونا تەبیت ل ڤان جهان: پەرستار ل نەخۆشخانەیێن تایبەت و حکومی راهێنەرل سەنتەرێن راهێنانێ و پیشەیی د بیاڤێ پزیشکیدا. راهێنەر و پەرستار ل رێکخراوێت ناڤخۆیی و بیانی. پەرستار ل مال و قوتابخانەیان. کوگەهێن دەرمانان. کلینیکێن پەرستاری. کومەلگەهێن پزیشکی و بنگەهێن تەندروستی. نوینەرێن کومپانیێن پەرستاری.

بۆ وەلاتەکێ وەک هەرێما کوردستانێ یێ تەژی ژ پەترۆل و نەفتا خام، ئەڤ پشکە بەرهێنەرا سەرکێشێن ئاڤاکرنا شەنگستا ئابۆری یا پیشەسازیە، پشکا کولینا بیرێن نەفتێ ژ گرنگترینانە، ب دوو سالێن خواندنێ ل ڤێ پشکێ دێ دەرچوویەکێ خودان هێز و زانستێ پەترولێ بەرهەم ئینیت و شێت ببیتە ئامرازەک بۆ بازارێ کار و بۆ داهاتێ وەڵاتیژی، ستافەکێ ئەندازیاری و شارەز و بسپۆرێن نەفت و جیولوجی وانێن ڤی پشکێ ب گەشتێن پری زانست دبێژن، چەوانیا کولینا بیران و بکارئینانا ئامیرێن کولینا بیرێن نەفتێ و دەرئینانا وێ ب وەرگرتنا دبلومێ ل ڤێ پشکێ یە، کو دێ ل پاشەرۆژێ شێی ڤان دەرفەتان بینی: دەزگەهـ و کومپانیێن سەر ب وەزارەتا نەفت و کانزا و سامانێن سروشتی ڤە. کومپانیێن کولینێ و دیتنا ژێدەرێن نەفتا بن عەردی. کارکرن دگەل ئەندازیارێن کۆلینا بیران. کارکرن ب ئامێرێن کۆلینا بیران.

ئەڤ پشکە ژ گرنگە پشکێن خواندنێیە، ژبەرکو پەیوەندی ب ساخلەمیا خەلکیڤە هەیە، ژبەر گرنگیا وێ پەیمانگەها ئارارات باشترین ستاف و تاقیگەهـ بۆ دابینکرینە، ئەڤ پشکە گرێدایە ب بازارێ کاریڤە، دشێت کادرێ ناڤەندێ بازارێ کاری بەرهەم بینیت، خواندنا دوو سالان ل ڤێ پشکێ کومەکا دەرفەتێن کاری دێ دابین کەت بۆتە، باوەرناما تە یا دبلومێ ژشت دوو سال و مەشقا هاڤینێ دێ بیتە کلیلا دەرگەهێ کاری بۆتە. باشترین ستافێ دکتۆر و مامۆستایان وانان ب پشکا دەرمانسازی دبێژن، خودان ئەزموون و شارەزا دبیاڤێ دەرمانان دا ل تاقیگەهێن مە کاردکەن. دەرفەتێن کار ل دەرمانخانە، کوگەهێن دەرمانان، کومەلگەهێن پزیشکی، بنگەهێن تەندروستی، نەخۆشخانێن حکومی و تایبەت و نوینەرێن کومپانیایێن دەرمانان.