ووتەی راگر

پەیڤا ڕاگرێ پەیمانگەهێ پ.هـ.د. أدريس علي حسن

بەناوی یەزدانی دلۆڤان

پەیمانگەها تەکنيکی ئارارات ل سالا 2017 ل پارێزگەها دهۆکێ هاتیە دامەزراندن کو ئێکە ژ پەیمانگەهێن دامەزراوەیا شەهيد یا پەروەردە و خواندنا بلند هەرێما کوردستاێ، پەیمانگەها ئارارات ب پشکێن زانستی و پزیشکی دەست ب کاروانێ خواندنێ کریيە و ب ڤەكولين و داتا كار ل سەر ڤالاهیا بازارێ كارى كریە و شيایە تا رادەیەكێ ئەوێ ڤالاهییێ پربكەت ب تایبەتی ل دەڤەرا بەهدینان. ژ دەستپێکا دروستبوونا خۆ ئارارات ناڤەکێ دیاربوو وەک سازیەکا خواندنا بلند و جهێ باوەریا خەلکێ دەڤەرێ بوو ژبەر وێ یەکێ خواستەکا زۆر لسەر خواندنا وێ هەبوو، ب خۆشحالیڤە د نوکە دا پەیمانگەها ئارارات ئێکە ژ باشتریت پەیمانگەهێن هەرێما کوردستانێ. پەیمانگەها مە تيشكێ د ئێخيتە سەر گرنگيا خواندنا تەكنيكى كو و وەزارەتا خواندنا بلند و ڤەكولينێن زانستى د كابينەیا نەهێ دا بۆ دەستەبەركرنا داهێنان و گونجاندنا بەردەوام دگەل گۆڕانكاریێن لسەر گۆڕەپانا نێفدەوڵەتی، هەلسەنگاندنا بەردەوام بۆ خواندنا تەكنيكى و پيشەیی دكەت دا كو خو دگەل سەردەمێ گورانكاریێن بلەز و ڤێ هەڤرکیا چردا و گورانكاریێن تەكنيكى یێن ل جيهانێ چێدبن ب گونجينيت و پەیمانگەها مە ژی ل دویڤ راسپاردەیێن وەزارەتێ كاردكەت ل سەر بكارئينانا فەلسەفە و ستراتيژیا پروگرامێن خواندنێ بشێوەیەكێ ب گونجيت دگەل پێدڤیێن كومەلایەتى. ژلایێ زانستی ڤە پەیمانگەها مە رێك و ميتودێن خواندنێ و فێركرنێ یێن نوى و سەردەميانە بكارئيناینە کو هەمان رێنە دگەل وەڵاتێن پێشکەفتی مينا پێڤاژوویا بوڵونييا، ژ بو پێگەهاندنا نفشەکی شایستە، ژێهاتى، ئاست بلند و باوەربخۆ بۆ بازارێ كارى كو شيانێن ب ریڤەبرنێ هەبن، ئەم كار ل سەر وێ یەکێ دکەین کو کاراکتەرەکێ رەوشەنبير و خودان کەسایەتييەکێ ب هێز د جڤاکى دا ئاڤا بکەین و بەرهەم بينين، چ گومان نينە کو ئارارات شيایە د تەمەنێ خۆ یێ کارى دا ڤێ خزمەتێ پێشکێش بکەت و شوون تبلێن وێ د دیار و ئاشکەرانە. پەیمانگەها ئارارات د سالێن بورى دا خودان چەندین دەستكەفت بوویە و ئێك ژوان دەستكەفتێن گرنگ وەرگرتنا باوەرناما ئایزوبوویە و دیسان كار ل سەر رێكخستنا چەندین چالاكيێن جورا و جور كریە بۆ پێشئێخستنا لایەنێ ئەكادیمى ژ پێخەمەت پێگەهاندن، ئاڤاکرن و دروستکرنا تاکەکێ پێگەهشتی و هەر وەسا پرەکا مەزن یا پەیوەندیان دگەل زانکۆ و پەیمانگەهێن هەرێما کوردستانێ، رێکخراوێن ناڤخۆ یێن مەدەنى و نێڤدەولەتی ساز کریيە. د هەمان دەم دا، پيتە ب چالاکيێن نيشتمانى و نەتەوەیى، کولتۆرى، وەرزشى، هونەرى، خێرخوازى و گێڕانا وورکشۆپ و کونفرانسێن هەمەجۆر دایە. ل پەیمانگەها ئارارات هەشت پشکێن خواندنێ هەنە کو د گرنگ و ستراتیژینە ئەوژی [ دەرمانسازی - پەرستاری - شیکاریا نەخۆشیان - سیستەمێن کومپیوتەری - ژمێریاری - کولینا بیرێن نەفتێ - زمانێ ئینگلیزی - کارگێری بازارگەری ] قوتابی ل خۆشترین تاقیگەهێن پراکتیکی وانەیان وەردگرن کو ب شێوازەکێ سەردەمیانە هاتینە دروستکرن، هەروەسا باشترین و جوانترین ئاڤاهی یێ پەیمانگەها مەیە لسەرانسەری هەرێما کوردستانێ. پەیمانگەها ئارارات چەندین رێکەڤتنامێن لێکتێگەهشتنێ دگەل زانکۆیێن دەڤەرێ ئیمزا کرینە بۆ پتر رێخخۆشکرنا دەرچوویێ مە کو ل زانکۆیان بەردەوامیێ بدەتە خواندنا خۆ و دیسان هەولێن مە بەردەوامن بۆ خواندن و هەلسەنگاندن و ئەنجامدانا ژمارەکا زێدەتر یا ڤەكولينان ل سەر بازارێ كارى ل هەرێما كوردستانێ و دەستنيشانكرنا ڤالاهیێن د ناڤ بازارى دا بۆ ڤەكرنا پشكێن نوى ل پەیمانگەهێ وەکی [ پشكا سركرن، دروستكرنا ددانان، پشكا پشكنينا چاڤان و پشكا چار ەسەریا سروشتى ] مە دڤێت ڤالاهیێن د بازارێ کاری دی ب دەرچوویێن خۆ پر بکەین، و ژ هەمیێ گرنگتری ڕێژەکا زۆر یا دەرچوویێن ئارارات د بازارێ کاری دا کاردکەن و ل زۆربەیا سازیێن حکومی و ئەکادیمی دەرچوویێن مە لێ هەنە. داخوازا سەرکەڤتنێ بۆ هەموو قوتابیان دکەین و ب هیڤیا پێشڤەچوونا زێدەتر بۆ پروسەیا خواندنێ ب گشتی ل هەرێما کوردستانێ. پ.هـ.د. ئدریس عەلی