ئارارات دگەل زانکۆیێن دهۆک و سەلاحەدین سەمپوزیۆمەکا نێڤدەولەتی گێرا (2025-02-19)

ڕۆژا چارشەمبی رێکەڤتی 19-2-2025ێ، پەیمانگەها تەکنیکی ئارارات ب هەڤپشکی دگەل زانکۆیێن دهۆک و سەلاحەدین، سەمپوزیۆمەکا نێڤدەولەتی لژێر ناڤونیشانێن "ئەدەب وەک پرەکێ دناڤبەرا کەلتوراندا" گێرا. د دەستپێکێ دا پەیڤا بخێرهاتنێ ژلایێ راگرێ کولیژا زمانان "پ.هـ.د. ئەبوعوبەیدە عەبدوللا" هاتە پێشکێشکرن؛ د دێرەکا ئاماژەکر کو"گرێدانا ڤێ سەمپوزیۆمێ ژ کارێن گرنگێن کولیژا وانە د ئەڤ سالەدا" و لدووڤدا پەیڤا سەمپوزیۆمێ ژلایێ راگرێ پەیمانگەها ئارارات، "پ.هـ.د. ئدریس عەلی" هاتە پێشکێشکرن و تەکەزکر "وەک پەیمانگەها ئارارات بەردەوام کار لسەر پێشڤەبرنا ئاستێ قوتابیان دکەت ژلایەنێن جودا، نەخاسمە قوتابیێن بەشێ زمانی، کو ئەدەب وەک لایەنەکێ سەرەکیێ زمانی بۆ شارەزابوونێ د کەلتورێن جودادا، گرنگە سالانە تەوەرێن ب ڤی شێوازی ب هەڤپشکی کار لسەر بهێتە کرن دناڤبەرا سازیێن جودادا" پشتی پەیڤان، پانێلێ سەمپوزیۆمێ دەستپێکر‌. "د. مەروان عەبدی" مامۆستایێ زانکۆیا دهۆک رێڤەبەرێ پانێلی بوو و رێک دا کو ئێکەم سمینار ژلایێ مامۆستایێ ناڤدار یێ ڕۆژهەلاتێ کوردستانێ، "د. بەختیار سەجادی" لژێر ناڤونیشانێن "ژ رەخنەیێن ئەدەبی بۆ تیورێن کەلتوری" بێتە پێشکشێشکرن، کو تەوەرەکێ تێر و تەسەلبوو؛ لدووڤدا و هەر ئێک ژ "د. لولاڤ محەمەد حەسەن" مامۆستایا زانکۆیا دهۆکێ ل دۆر ڕۆلێ وەرگێرانێ د ئەدەبی دا و "د. شرین سەعدوللا"، مامۆستایا زانکۆیا سەلاحەدین ل تەوەرێ "چەوا ئەدەبی رەنگڤەدان لسەر ئاریشێن جیهانێ هەیە" و "م. هودا محەمەد سالح"، مامۆستایا زمانی ل دۆر تەوەرێ "ئەدەب وەک ئامرازەکێ بۆ هزرکرنا رەخنەیی" و "م. محەمەد خۆرشید" سەرۆک پشکێ زمانێ ئینگلیزی ل پەیمانگەها ئارارات باس ل "ڕۆلێ ئەدەبی د رەنگڤەدانا کەلتوراندا" کر. هەژی یا گوتنێیە، هەژمارەکا مەزن ژ قوتابیێن ئارارات دگەل هەردوو زانکۆیێن دهۆک و سەلاحەدین پشکداربوون د سەمپوزیۆمێ دا و چەندین پرسیار و سەرنج لسەر دیتنێن پانێلیستان دان.