هەڤتیا ژیریا دەستکرد ل ئارارات ب پێشکەڤتنێن گرنگ و دەستکەڤتێن سەرەکی هاتە گێران (2025-02-22)

پەیمانگەها ئارارات د ماوێ 22-26ـێ شوباتا 2025ێ، هەڤتیەکا تایبەت یا ژیریا دەستکرد ئەنجام دا کو تێدا کۆمەکا چالاکیێن گرنگ و جۆراوجۆر هاتنە پێشکێشکرن، د ڤێ هەڤتیێ دا هەر ژ پانێل و وۆرکشۆپ و پێشانەهـ و کارێن قوتابیان هاتە ب رێڤەبرن. هەڤتی ب ئامادەبوونا پسپۆر و کەسایەتیێن ناڤدار یێن دەڤەرێ، و ب بەشداریەکا بەرچاڤ یا مامۆستا و قوتابیان هاتە ئەنجامدان." د رۆژا ئێکێ یا هەڤتیا ژیریا دەستکرد ل پەیمانگەها ئارارات، سمینارەکا گرنگ ژلایێ پسپۆرێ بەرچاڤ "د. مەسعود محەمەد" هاتە پێشکێشکرن. سمینار ب بەرهەڤبوونا راگرێ پەیمانگەهێ "پ.هـ.د. ئدریس عەلی" و کۆمەکا مامۆستا و قوتابیان هاتە گێران، د سمینارێدا تیشک خستە سەر پێشکەڤتنێن نوو د بیاڤێ ژیریا دەستکرد دا و دەرفەتێن بکارئینانا وێ د وارێن جۆراوجۆر دا. د رۆژا دووێ دا، پانێلەکێ دەولەمەند ب رێڤەچوو کو چەندین پسپۆرێن ناڤدار تێدا بەشدار بوون. پانێل ب پەیڤا راگرێ پەیمانگەها ئارارات، پ.هـ.د. ئدریس عەلی دەستپێکر و پاشی هەرسێ پسپۆران "پ.د. عالیا ئەلروبەیعی" باس ل ئەزموونا زمانی د بیاڤێ ژیریا دەستکرد دا کر، "د. کاروان فەهمی" پێشبینیێن گرنگ دەربارەی داهاتوویا بازارێ کاری کرن، و "د. فایز سەعید" شێوازێن نوو یێن فێلان و رێکێن پاراستنێ دیار کرن. هەڤتیا AI ل ئارارات د رۆژا سێیێ دا ب سمینارەکا گرنگ یا د. بلند بەیار دەربارەی پرۆگرامێ "Safe Delivery" هاتە تەرخانکرن. د. بەیار دیار کر کو ئەڤ پرۆگرامە دێ گوهۆرینەکا مەزن د چاڤدێریا دایک و زارۆکان دا پەیدا کەت و دێ بیتە ئەگەرێ کێمکرنا گەلەک مەترسیان د دەمێ دوگیانی و ژدایکبوونێ دا. د بەردەوامیا چالاکیان دا و د رۆژا چارێ دا، دوو رویدانێن گرنگ هەبوون: "م. عالیا عوبەید" سمینارەک دەربارەی کاریگەریا ژیریا دەستکرد لسەر نڤیسین و بەلاڤکرنا ڤەکۆلینێن زانستیدا پێشکێشکر، و "م. محەمەد خۆرشید" سمینارەک لسەر چەوانیا دروستکرنا سیڤی ب ژیریا دەستکرد بۆ قوتابیان پێشکێشکر. هەڤتی ب پێشانگەهەکا تایبەت یا تەکنەلۆژی بۆ پشکا سیستەمێن کومپیوتەری هاتە ب دووماهیک ئینان، کو تێدا 19 پرۆژێن داهێنەرانە یێن قوتابیێن پشکا سیستەمێن کومپیوتەری هاتنە نیشاندان. پێشانگەهـ ب سەرپەرشتیا راگرێ پەیمانگەهێ و ب بەشداریا نوێنەرێن کومپانیا هواوی هاتە ڤەکرن، کو گر