كولينا بيرێن نه‌فتێ
د‌هێتە هژمارتن ئێك ژ بەشێن گرنگ ل پە یمانگەها تەکنیکی ئارارات یا تایبەت ل باژێرێ دهوکێ و قوتابى پشتى ده‌رچوونا خو ژ شه‌شێ ئاماده‌يى پشكا زانستى و ده‌رچويێن پيشه‌سازى (ميكانيكى) مافێ خاندنێ ل ڤێ پشكێ هه‌يه و قوتابى بشێوازێ تيورى و پراكتيكى ل ڤێ پشكێ دخوينن و پشتى ده‌رچوونێ دبنه خودانێن باوه‌رناما دبلومێ د بوارێ كولينا بيرێن نه‌فتێ دا.
ئارمانج
- کەسانێت شاره‌زا و تەکنیك کار و کارامە بن کو زانینەکا گشتگیر د بیاڤێ زانستێت کولینا بیرێت نەفتێ هەبیت.
- پەیمانگەه بزاڤێ د پێشخستنا ئاستێ زانستی ددەت ب ڤەکولین، گوتار، سمینار و ورکشوپێت سەردەمیانە و زانستی د بیاڤێ ڤێ پسپوریێ ل ناڤ یان دەرڤەی پەیمانگەهێ دا.
- ئامادەکرن و دروستکرنا ستافەکێ تەکنیکی یێ ژ هەژی کارکرنێ د بیاڤێ لێگەریان و کولینا بیرێت نەفتێ د چارچوڤێ مەرجێت سەلامەتیێ و پاراستنا ژینگه‌هێ.
قوتابى فێرى ڤان كاران دبن ل پشكا كولينا بيرێن نه‌فتێ
بکارئینانا ئامیرێن کولینا بیرێن نەفتێ.
1-بوسەخبێریکرنا ئامیرێن د کولینا بیرێن نەفتێ دا دهێنە بکارئینان.
2-ڤەکرن و گرێدان و ئامادەکرنا ئامیرێن د کولینا بیرێن نەفتێ دا دهێنە بکارئینان.
3-ئامادەکرنا شێلاڤێت کولانێ و تاقیکرنا خەسلەتێن وان لجهێ کاری و تاقیگەهان..
4-چاوانییا سمنتکرنا بیرا و تاقیکرنا خەسلەتێت سمنتێ ل تاقیگەهان..
5-شیانێن نموونەیی د سەرەدەریکرن و بکارئینانا جور و قەبارێن جیاواز یێت بوری و ئامیر و ئالیاتێت کولانێ.
6- نڤیسینا راپۆرتا گرێدای ب ئامیرێن کولانێ ڤە
ده‌رفه‌تێن كارى بو ده‌رچوويان
1-دەزگەهـ و کومپانیێن سەر ب وەزارەتا نەفت و کانزا و سامانێن سروشتی ڤە.
2-کومپانیێن کولینێ و دیتنا ژێدەرێن نەفتا بن عەردی.
3-کارکرن د گەل ئەندازیارێن کۆلینا بیران.
4-کارکرن ب ئامێرێن کۆلینا بیران.