پشكا دووێ ژ به‌رنامێ دڵنيايی جۆری ئه‌وه زانستی خوازی به‌رده‌وام (CAD) كو دهێته سه‌رپه‌رشتی كرن ژلايی رێڤه‌به‌ريا دڵنيايی جۆری ل ژێر چاڤدێريا راگرا په‌يمانگه‌هێ. ئه‌ڤ به‌رنامه گرنگيێ د ده‌ته چالاكيێن مامۆستايا سه‌باره‌ت ئاماده‌بوون يان پێشكێشكرنا سمينارێن دهێنه ئه‌نجامدان ل به‌شێن زانستی ، به‌لاڤه‌كرنا بابه‌ت وڤه‌كولينا ل گۆڤارێن زانستی وئه‌كاديمی يێن ناڤخويی يان جيهانی، به‌شداربوون د كونفرانس و وۆركشووپ وخۆلێن راهێنانێ دا زێده‌باری سه‌رپه‌رشتيا نامێن ماسته‌ر ودكتورايێ وچه‌ندين چالاكيێن دی بۆ بهێزكرنا شيانێن مامۆستای.
به‌رنامێ زانستخوازی به‌رده‌وام خاڵێن ل خوارێ به‌رچاڤ وه‌ردگريت:
- دروستكرنا سميناره‌كێ بۆ هه‌ر وه‌رزه‌كێ خواندنێ ل هه‌ر پشكه‌كێ.
- پێتڤی يه به‌رنامێ سمينارا بێته دياركرن به‌ری ده‌سپێكا وه‌رزێ خواندنێ ل پاييزێ و ل بهارێ ب سه‌رپه‌رشتيا ليژنا زانستی و رێكخه‌رێ دڵنيايى جورى.
- پێتڤی يه دانه‌يك ژ به‌رنامێ سمينارا بێته هنارتن بۆ رێڤه‌به‌ريا دڵنيايی جۆری.
- سه‌رۆكێن پشكێن زانستی سه‌رپه‌رشتيێ ل سه‌ر ئه‌نجامێن سمينارا دكه‌ن ئه‌وێن سه‌ر ئاستێ پشكان دهێنه ئه‌نجامدان. هاريكارێ راگرى سه‌رپه‌رشتیێ ل سه‌ر ئه‌نجامێن سمينارا دكه‌ت ئه‌وێن سه‌ر ئاستێ په‌يمانگه‌هێ دهێنه ئه‌نجامدان.
- پێتڤی يه به‌رنامێ سمينارا ژ لايێ جڤاتا په‌يمانگه‌هێ ڤه بێته په‌سه‌ند كرن.
- پێتڤی يه فورمێن په‌يوه‌نديدار ژ لايێ رێكخه‌ری ڤه بێنه پڕ كرن و كۆمكرن وهنارتن بۆ رێڤه‌به‌ريا دڵنيايی جۆری ل و برێكا وێ بۆ رێڤه‌به‌ريا گشتی يا دڵنيايی جۆری ل وه‌زاره‌تا خواندنا باڵا.
ئه‌ركێن نوينه‌رێن زانستخوازی به‌رده‌وام:
- رێكخستن وچێكرنا خشتێ سمينارا ل پشكێن زانستی.
- دابينكرنا ده‌مژمێره‌كێ هه‌ر حه‌فتيێ بۆ سمينارێن پشكێ.
- رێكخستن د ناڤبه‌را پێشكێشكه‌رێ سمينارێ و ئاماده‌بويا ژ پشكێ و مامۆستايێن په‌يوه‌ندی دار ژپشكێن دی.
- سه‌رپه‌رشتيا رێكخستنا سمينارا وبه‌لاڤكرنا فۆرمێن هه‌لسه‌نگاندنا سمينارێ وتوماركرنا ئاماده‌بوويا.
- كاركرن دكل رێكخه‌رێ سه‌ره‌كی يێ دڵنيايی جۆری ل په‌يمانگه‌هێ وپێدانا دانه‌يه‌كێ ژ خشتێ سمينارا بۆ رێكخه‌رێ سه‌ره‌كی.
بو زانيارێن زێده‌تر ده‌رباره‌ى ليستا چالاكيێن په‌يمانگه‌هێ تودشێى لينكێ ل خوارێ داونلود بكه‌ى.
ليستا چالاكيان دگه‌ل هه‌ژمارا خالان.
فۆرما زێده‌كرنا چالاكيان